هل تعلم أن : كلمة #دين في اللغه تعني #طريقة_حياة ؟

هل تعلم أن : كلمة #دين في اللغه تعني #طريقة_حياة ؟ جاء وقت فريضه ◄ أدها جاء وقت شغلك ومخالطة الناس ◄ اصبر عليهم واكظم غيظك وعاملهم بأخلاق عاليه واحتويهم جاء وقت مقابلة ناس غير الناس ◄ لا تتكلم بغيبه .. الصبر والصمت افضل من غيبه او نميمه وانك تفهم الانسان غلطه في وجهه خير من انك تتكلم من ورا ظهره جاء وقت وفاء الوعد ◄ وفي مهما كان الوعد كبير او صغيرا ~ جاء وقت العائله ◄ الأقربون اولى بالمعروف زود الاحسان وزود الاخلاق العاليه وزود الصبر جاء وقت الخلوة ◄ اما تجتهد في طاعه او نام .. نوم الظالم عباده ^ جاء وقت الابتلاء ◄ استعن بالله واستغيث بالله وحده لا تشرك بالله لا تزور قبر لا تتمسح في شيخ وتقول انه بركه لا يا عم بلاش ادعي ربنا قول يارب بلا شرك بلا قبور وبلا شموع بلا اي مظاهر للشرك جاء وقت انك تحمست في الكلام ◄ لا تحلف الا بالله مهما اللي ادامك استفزك بلاش تقول والكعبه ورحمة ستي .. لا خليك هادي ( لا تغضب ) كفايه اوي تحلف بالله وكمل كلامك عادي :) اي مفهوم متداول بين الناس ◄ اتأكد منه الاول ولو ملقتش دليل لا تأخذ بيه #مثلا _العصبيه في نظر الناس تدل على الرجوله .. لا خالص في الحديث الصحيح ( لا تغضب ) يعني ملهاش اي لازمه العصبيه .. العصبيه تفرق الاحبه ماشي العصبيه تقتل حد بالخطأ ماشي انما رجوله لا لا لا خالص العصبيه ضعف وليست قوة_ #ومثلا _اللي يقولك اكذب كذبه بيضه خلي الناس تحبك اكتر واكتر .. لا دا مفهوم خاطئ لا تكذب الا في ثلاث حالات ( الحرب خدعه والحديث بين الزوجين والصلح بين الناس ) فقط_ حذاري حذارى تقول على حد اضعف منك او اقل منك في المستوى الوظيفي دا تافه او تقلل بيه انت انسان وهو انسان ( ولقد كرمنا بنى ادم ) ممكن يكونو احسن منك ولو فرضنا مثلا انهم فعلا مش احسن منك انت متعينتش عليهم حاكم .. الاله واحد .. ومن الاشياء اللي مينفعش بشر يتدخل فيها هي الحكم على الناس .. الله وحده الاله هو من يحكم بين عباده ~ #لو ضايقت حد ولسه عايش وتقدر توصله ◄ ممكن تهاديه وتزوره ( ان الحسنات يذهبن السيئات ) #لو ضايقت حد ولسه عايش ومش هتقدر توصله ◄ هاديه بردو ( صدقه باسمه ) واستغفر له #لو ضايقت حد مات ◄ ادعيله وهاديه بصدقة جاريه وزور قبره وسلم عليه هو يسمع سلامك وبيرد عليك بس انت مش بتسمعه وربما اقرب حبيب ليه نسيه وانت بس اللي فاكره اكيد هيسعد بزيارتك له لا تبخل عليه وزور قبره وادعيله وقدم له صدقه ~ لوحبيت كل الناس واتمنيت الخير للجميع ◄ رأي الناس هتقولك ليه انت اهبل ؟ علشان تحب كل الناس ايه الهبل دا مش لما تحب عائلتك الاول تحب الناس !! لا ملكش دعوه بالكلام دا خالص ( وما أرسلناك إلا رحمة للعالمين ) صلى الله عليه وسلم رسول الله رحمة للعالمين جميعا وما قصر في حق عائلته وما قصر في حق احبابه وما قصر في حق اصحابه مفيش مشكله تمنى الخير للجميع والاقربون اولى بالمعروف وقدم اللي تقدر عليه ولا تلوم نفسك مدام انت صادق في حبك لعائلتك وللناس لا يهمك اي اتهام ولا اي لوم مدام مش مقصر في شيئ ايام وبتعدي ويوم القيامة هتلاقي ايامك الخاليه اللى عشتها دى دا هو المهم فعلا .. طريقة حياتك .. دينك هو لحمك ودمك .. الشكر عند النعم .. الصبر عند البلاء .. لا للغيبه لا للكذب .. نعم للوفاء بالوعد ايا كان صغير او كبير .. نعم لبدء صفحه جديده ولا يغرك رأي الناس ان الله يغفر الذنوب جميعا دا اللي فاهمه يارب يكون صح √ تحيتي للجميع وتمنياتي لكم بكل توفيق وسعاده وراحة بال ~ وعن نفسي سامحت الجميع ♥